呢個東區新屋苑, 大約係2000年開賣...當時經濟仲係好差, 但佢都差不多要@$5,000 /呎(都幾很貴吓).
有日我同冷面爸爸揸車路經此地(己入伙), 兩條友落車...指手劃腳之制,
見到一位Agent小姐跟兩位老人家好有耐性地講解, 我基於八掛...走去聽埋一份.!
...最後呢位agent小姐同我交換咗咭片, 我亦表明呢個價太貴啦, 平就諗吓喇!
(茶實呢樹我好鐘意,再加上係太古樓...但真係太貴...我邊有錢買吖...吹吓水就得!)
某日agent小姐打俾我話 (其實係呢段時, 佢不時都有電話給我通G新行情)..發展商要去貨;有特別優惠, 買大單位送車位 (吓~咁筍! 以當時計起碼都值30萬喇), 但大單位最小6百萬入場費~算把喇!
轉頭佢再check到話: 如果買細單位就 $125,000 買車位....! 冷面爸爸就為咗嗰平車位...話去睇吓喎.
但我就同agent小姐講, 但樓價冇得平...我不如去二手市場揾平貨 (因為當時細單位只淨底40樓以上),
發展商居然話要見到嗰客先...再埋枱傾！(從來只有發展商話曬事, 原來都有例外架...)
第曰早上 約埋agent上去, 變成我跟發展商單挑, 佢哋反口話細單位冇優惠買車位喎, 只送Fujitsu大電視..我話: 吓~你咪浪費我d時間吖 (除即拖住冷面爸爸走)...
發展商即刻話: 咁喇~送埋律師費喇...(我冷笑再轉身就走...)
發展商即刻轉ロ風話: 好喇...好喇....買細優惠車位俾你喇 ...真係唔得架, 公司會炸型架 !？....
我當時有d火火哋話: 好~ 但係 Fujitsu 大電視 + 律師費我都要喎....(我同冷面爸爸己經同步行到門口)...
發展商除即話: ok 喇...ok喇...俾佢喇! (佢哋當時有2-3位職員响樹互動)。
最後大快人心....買咗喇 ! (相信呢D情況, 要再等下次經濟衰退先會再發生!!!!)
