集體買樓(賣樓成功)

經過03年"沙士"之後.....04年就開始走出谷底.....

我實在頂唔順响 "馬灣" 既生活, 加上エ作實在太忙碌...呢亭退休生活唔多啱我哋 !

就開始諗賣摟呢件事...計而去多間哋產公司放盆...早走早着....(最初我地俾一成首期; 二按兩年免息免供...將完, 要再俾埋2成首期, 否則1按+2按就好"溶"喇! )。

話說有個星期日, 有多組客人睇樓...到星期一晚又有多組客人睇樓 (但過程中說話不多),

直至準備瞓覺...有位agent 話佢位客人有興趣, 不過要我減差不多20萬...( 幾經商討最後減14萬),

因為當時己經好夜, 所以我跟 agent推 說: 現在不能簽約, 我先生在大陸....明晚回來才簽約喇 !

但 agent 不斷吹促/ 不斷來電....最後我只因疲倦而關掉電話! (大佬呀! 三更半夜咁樣衰...點見人呀!？) 早上一回到公司...agent 又來電吹促說: 支票在我手喇...我而家即刻過你公司喇...响邊樹呀？！

我又推說今晚我會約7:00pm 跟我先生一齊到你間行架喇...到時先簽喇, 而且我先生還末到香港!

跟住佢又A又B..又話我可以代先生簽咗先 !？ (我心諗..喂~你好煩呀! 我大把野做緊...你咪咁Q長氣)。

接住...奇妙事情就發生响我哋身上.....？！ 冇耐又有另一個 agent 來電....話有客人俾足我開既價錢~可以即簽 ？！？！( 吓~咁筍...咩事呢？ 從來都冇出現過第2個客架喎？！？仲G我俾人壓價？！)經一輪電話往來, 我梗係答應簽俾高價錢嗰一間.(亦照原定計劃, 放エ至簽) 開頭間 agent 話: 你小心俾人騙呀!？ 多謝關心...好似你騙我多D喎...haha！

最後跟後者簽約成功! ( 執返隻卡地亞錶...拾幾萬呀!) Yeah...yeah....

簽約後跟agent了解說...後者睇樓冇還價~可以俾足我開既價錢 (但佢哋唔係呢區既agent, 所以要等馬灣個 agent 優先處理), 而馬灣既 agent 嗰客人想要~ 但又想壓價 ! 咁馬灣嗰 agent 梗係死人都想自己做返啦 ( 完全冇為我哋消費者爭取最高利益)....今日我又上咗一課啦!

集體買樓(下)

收樓之後...原先諗住放租, 但租金只有$9000-10,000...(租金實在底咗d) 冷面爸爸話收得咁小租金, 不如留返自己渡假用! 最終我哋每星期五、六、曰作小住用途。

之後冇耐仲經歷 "沙士~ 非典型肺炎"....樓市/股市直插, 每日打開電視....就係死亡人數。。。

唯一這個"珀麗灣"就成為樂土 (空氣清新, 環境優美)...., 而我哋同時亦因此由小住變長住.......。
我同冷面爸爸一向住東區, 返エ都在東區(唔洗十分鐘),但搬入馬灣後....生話亦有所改變.

每日早上6:15am 起身, 7:15am要到達馬頭(坐7:20am 船)...7:45am落船....8:00am 行至巴士總站...

8:30am 到達公司附近食早餐 ; 放工一定準時6:00pm (否則....)..同樣6:30pm前到巴士總站...

7:30pm至中環碼頭...約8:15pm返到屋企...即刻開始煮飯, 約9:00pm有得食, 9:30pm 洗碗/洗地....

10:00pm 冲涼....10:30pm己經在床上疲倦不堪!!!!! (最大鑊係我冇可能6:00pm放工)！

因此...冷面爸爸冇耐就决定揸車返屋企(茶實我哋d車泊曬响公司), 但因為馬灣唔入得私家車,

所以就泊去青衣城..再轉shuttle bus 。 但揸車完全冇節省時間, 只可以給我多點時間養神, 而且每月"入油+停車場"要多洗$5000 (天呀! 呢個人間天堂...根本唔啱我哋呢d俾生活折磨既人....)。

咁點呀！？！進又難...退又難......

原來每當煩惱出現, 背後一定有佢既啟事....每每柳暗花明....

(至少我同冷面爸爸從末如此相愛過...同出...同入....hahahaaa)