人民幣萬歲

又响D咁既曰子賣樓...真煩氣(今曰係我同冷面爸爸既結婚週年吖)

無心插柳...03年跟一班朋友去東莞參觀友人的新居, 一時衝動每人買返間, 開頭又話免息又免供...就係咁每月供2仟零蚊就有層過千呎既樓 (少吃餐飯都供咗去),

當時人民幣約對105...加陣掉轉黎對85 !一於賣咗你, 可況7年黎都上唔到幾多次.

今次發達啦! 7年黎都忘記咗供緊呢層樓, 今日先感受到!

今日最後一夜啦!

終於到港啦!

訂咗幾個月既車....終於到咗喇!

 

冷面爸爸第一時間就同佢換上新鞋仔......

我就唔明同原裝有咩分別？？？

奶奶走了

27/9/2010...今晚做飯時, 冷面爸爸收到自菲律賓親友來的電話, 說他媽媽己在睡夢中走了.....其實3年前奶奶突然中風, 所有子孫己齊集菲律賓作最壞打算. 但一星期後奶奶又醒過來, 而且只在左手有輕微中風, 出院後...家中除多請兩位24小時看護外, 其他子女亦各自回到各國。這3年間我亦偶有跟隨冷面爸爸回菲國探望奶奶, 最後一年除面色及皮膚依舊白滑外, 己不能再辦認人及說話了。98歲的奶奶終於走了...10月2日在當地出殯, 眾子孫亦從各地齊集菲國出值喪禮, 棺木內面貌安詳的奶奶跟平常的她冇大分別, 相信她知道所有子孫齊集...所以安詳的上路。

喪禮上冷面爸爸非常非常傷心, 因奶奶是他非常尊重及敬愛的母親, 任何人都不能觸動這條底線, 無論奶奶如任冇理, 他亦笑者輕捉其手輕聲按撫~直至奶奶咀角露出微笑才放心! 不知奶奶有何能量調教出這樣的兒子！？孝順、樂觀、豁達、忍耐~ 從不發脾氣、從沒憂愁、開朗....可能上天可憐奶奶, 因為奶奶自小己嫁給老爺做德配, 老爺婚後己重返菲國, 只留下奶奶在國內撐著一家長幼, 一生可能只有跟老爺睡過幾晚...就此生下幾位非常孝順的兒子。接著奶奶帶一總子女到香港生活, 老爺需然生活費從不間斷, 但只有三數年才回港探望一次。奶奶曾笑著對我話: 你好彩, 嫁到我個仔 ! 這話沒有它意...只因當年奶奶得知老爺在菲國有三奶, 而且兒子己跟冷面爸爸一樣三歲, 奶奶萬念俱灰...帶著兒子到香港仔食大餐後準備跳海, 但看到幾位兒子開心模樣又不忍心, 最後決定帶同兒子到菲國生活, 可憐他們只被老爺安排到另一居所, 並沒有因妻兒到來而一起生活! 所以在冷面爸爸的世界裏, 對爸爸的印像/工能非常朦糊但絕冇恨怨, 爸爸這角色從不重要, 世上只有媽媽好!

iPAD

好野! 又有新玩具喇 !一人一部唔洗爭....

issey Miyake

估唔倒一個平凡的手袋...都有不平凡的收視。。

己經至少有十個陌生人...在路上問這袋在那裹買的........

誰是第三者

我不是故事中的主角, 自我跟冷面爸爸一起經營這段婚姻開始, 相方都有著同一看法...但凡有機會令自己不快樂的事~都不要去做/不要去碰。

故事中的等三者跟我說: 愛情冇錯對；只有先後。

點解呀？學位都要排隊...先到先得啦!？

Gold Nutriv 黄金營養保濕液 @ Alisst Bronts

如果唔係做 facial 既姊姊仔俾佢用緊嗰支我試, 我一定唔會買 ？！...

(因為個樣好大陸Feel, 而且 made in Spain...做火腿佢就得! 做護膚品喎...掂唔掂架？！)

雖然佢話係保濕液、爽膚水, 但我就當佢係精華咁用...佢既質地比水份高~但又冇精

華咁杰, 用後皮膚感覺充滿水份, 而且柔軟及滋潤....

成份包括: 透明質酸, 大麥....etc.

Made in Spain

YonKa @ Mask ~ 超掂

呢支Mask超掂呀!!!!

本人皮膚一向唔差...但就經常係鼻翼位有甩皮現象, 上粉困難。。。

經朋友推介下...就發掘出呢支好野...(其實一向都G佢係好野! 不過就貴咗D囉)

用法: 晚上洗面後, 搽妥正常程序護膚品...最後只需再薄薄塗上呢支Mask...

使用兩晚後...甩皮現象冇晒 ,上粉容易...

使用一星期後~皮膚回復彈性及光澤, 連細紋都减退,非常緊緻, 仲滑一滑都冇咁滑(冇吹水...)

千幾蚊支, 有150ml....仲係法國貨 (大家一定要俾個機自己....)

PREVIA~有效去頭皮

對於有"頭皮"既朋友... 可能都跟我一樣!

以經常更換洗頭水為樂趣...繼而成為專家(其實冇隻掂),

近期發掘o左一支高效"去頭皮洗頭水", 頭皮大大減小..更有清新芬香氣味!

 

都係嗰句...要用按摩方式....保持洗髮最少15分鐘。

護髮素盡量避免接近頭皮...(或如有需要才使用)

一百幾拾...仲係意大利貨!

做過精明消費者

最近經朋友介紹...試用強生 Extra Care系列...的確唔錯! (...平、靚、正)

又唔洗等Crabtree & Evelyn 減價....又有差不多效果 !

萬檸(出位價) @$49.5 減至 @$39.5

屈人寺(屈人價) @$45.5 減至 @$35.5

求倫其揾間藥房 @$30...(唔洗話識我.....) 大家黎請個精明消費者.....

最耐用、高性能 2003-2006

出新款又換...今次都玩咗3年 (2003-2006) !

使用量最長....99-03年

今曰揾返D舊相...温故之新一吓!

準備迎新喇

冷面爸爸話....要準備迎新喇 !

Sans Soucis @ 水晶面霜

呢支水晶面霜己試用一個月...感覺唔錯! 補水功能極住, 而且非常滲透..

官方資料: 專為亞州女性特製革命性高質素專利無油份冰涼 24 小時水晶面霜

強勁補水功能使細胞即時飽滿，乾紋即退，保濕程度持久顯著，極有效控油，不留油膩感覺，使肌膚每日滋潤清新，讓肌膚因促進水份而得到再生 !

Lagny @ De Caviar & Hyaluronic-Pure

 Lagny@ Hyaluronic-Pure (高純透明質酸精華)
高純透明質酸精華 - 含有高濃度肌膚主要的填充基質“透明質酸”。透明質酸亦稱為玻尿酸鈉。

透明質酸有效令皮膚保濕和抗衰老。對護理嚴重缺水、平滑粗糙的肌膚和肌膚細胞再生，透明質酸更為有效。

因此，在增加皮膚潤滑、柔細和減除皺紋等效果非常出眾，同時對皮膚過敏乾燥和痕癢等也有療效。

- 把精華均勻涂在清潔的肌膚上。待乾透後，可涂上日/夜霜。

- 適用皮膚任何皮膚，特別適合缺水乾皺及過早衰老的皮膚。

- 成份"透明質酸"  (每支3毫升)


 De Caviar (魚子精華素)
魚子精華素針對乾和缺乏營養皮膚，適合臉部、眼部和唇部使用。

能促進細胞呼吸再生，緊緻表皮及強效平滑幼紋
- 成份"微囊分子魚子精華、蛋白血清、海藻精華、胺基酸"



(每支只有2ml，但魚子含量超60%哦,相當矜貴！)

~我買咗兩款...附上既膠咀可用盡產品, 唔會浪費。

Lessence Deau @ cleaning foam

新嘗試.....Lessence Deau @ cleansing Foam
一般 foam....去油份比較好 , 但扯水性較高 , 連油份都洗埋,
 所以如果skin比較乾性, 洗完面後有可能會緊繃~

但呢隻牌子絕冇這情況出現～


我用Lessence Deau 潔顏膠, 超保濕同鎖水 ~ 起泡洗面....氣味芬香...約$280 /250ml (仲要係法國貨)

去舊迎新

因為要同跟咗我0地 4年既(Q7)分手....就開始我既新手寫blog !

台灣 @ 後記

其實大部份台灣食品都有送貨服務, 如果大家冇時間走完所有地方,

可先致電有關店舖送貨到酒店...

- 港記: 台北市漢中街6號      訂購專線(02)2375-1967     http:www.tekongkee.com.tw

-上海老天祿: 台北市成都路56號      電話(02)2375 7575     http: //www.laotienlu.com.tw

- 洪師父(香港代訂)http://www.taieannoodle.com.tw    E-mail:gingkwong@biznetvigator.com 

台灣 @ 手信

今日回歸喇...但見到D行李就有D暈.....(呢樹係1人份量)....

冰箱仲有吖.....

大家冇眼花...差D要帶埋個雪櫃上機...(一大箱牛肉麵+密封湯包...專登响台南訂架, 好正呀!)

手信推介: "幾分甜"....北海道蛋糕 & 布甸..... (唔講...一定要自己試!)

超級市場都買一餐....

呢款"洪師父"都要推介吓...牛肉乾~有多種味,首推原味 (原全唔硬,肉汁豐富)

另外"洪師父"仲有急凍湯包都直得推介...一盒3包唔同味道(裏面真係有幾嚿肉架...)

不過返到香港先G有速遞服務....(一樣價錢,只加速遞費, 咪又唔駛自己拎囉)

又係超市貨....呢款細麵好似麵線, 又係我至愛既藥材味....(連我冷面爸爸都話正)

呢個 "港式酸辣濃湯" 仲抵死...真嘅一樣 (最好再加嚿豆腐....就更加good)

買俾小朋友就啱晒囉....細細包(好似香港嘅點心麵)

呢樣唔駛多講喇..." 江記" 豬肉紙....大家會諗咁脆,點拎呀？？？

你放心...人家做生意己經準備好2包/4包/6包/8包裝嘅手挽紙皮盒箱...放心買啦!