品香樓 @ 石硤尾

這夜朋友說要到石硤尾晚膳,一嘗"中西式茶餐廳風味"(有D亂吖,又中又西又茶餐廳...@@")

BB乳鴿 (肥B乳鴿)


椒鹽鮮魷 (椒鹽唔夠椒鹽, 鮮魷又唔夠新鮮...又死又實) 最特別係隻鴨仔籃

火焰牛柳 ( 唔G佢想點,放D火向碟底又話火焰, 牛肉又用鬆肉粉醃至全無味道及咬口)

炸墨魚餅 (墨魚餅有型冇實, 原全唔夠墨魚只有槳粉+馬蹄)

芝士芘芭豆腐 (芘芭豆腐唔夠芘芭, 芝士冇味)

薑汁芥蘭 (薑汁唔夠, 芥蘭又過火又老)

風沙猪手 (原全唔入味)

鴛鴦雞球 (你又做呢個汁)

芝麻手撕雞 (全餐最似樣之作, 稍有特色不用吐骨)


但平心而論....全餐 9碟+ 4支啤酒都只係7佰元多, 仲想要求咩？！

私隱

這星期不斷接到地產經紀來電, 相告己出租多時的物業已有不錯的升幅....是否需要放盤！？
這個出租盤我從沒在市場放售, 為何有經紀不斷來電查詢！？
某天..心情不大好下向一位經紀宣洩不滿, 並告之這物業根本不是我擁有..."請不要再騷擾" ;
他境然用輕挑的態度回敬我..." 小姐....我要知你有咩物業有幾難！？"
我當時停頓下來不知如何回應！？
吓, 有冇咁恐佈呀？私隱何在呀？
原來在雜誌上某某被歇發曾有多少物業及賺或蝕.....是很容易得來嗎？！
唔係吖嘛......!

財記椒蟹 @ 灣仔

每個星期的六/日我都不用做煮婦, 這夜很想食蟹...(所有朋都G我係蟹后...yeahhhhh)

豉油皇蟹油炒麵 (老實講,非常一般, 唔夠乾身, 更加唔明何為蟹油炒麵) @$45

避風塘椒蟹 (一貫水準, 蟹肉夠肥美結實...正! ) @$480

泥孟粥 (粥夠棉夠香...仲有5條泥孟咁多) 不過盛為@$50

油鹽水魚湯浸大蜆 (蜆太細有沙,唔覺用魚湯; 我在家用"史雲生"比它更好味) @$60

連茶錢加10%服務費....約700元正 (應該唔會有下次)

富士皇抽油煙機

剛啱收到消息富士皇做優惠,如有興趣可趁機看看.....

九龍黃大仙中心1樓116號鋪
Tel:2369-6623www.familyfun-eph.com

我家也使用這牌子的抽油煙機, 這絕對是值得推介的品牌...抽力特強(只看到極微小的油點落在白色廚櫃面)...而且非常零靜(備有三度抽カエ能, 用最大抽力時亦可聽到電話或門鈴响聲, 當用小或中度抽力時...我更經常忘記關機)。而最值得一提是非常簡易的裝折清潔程序, 容易仔細清潔機身裏裏外外每個位置, 跟一般只看到滿佈油漬而又不能清洗的牌子...簡直有天淵之別 ^ ^ 他們更代理一隻非常好用的澳洲品牌清潔劑, 只需噴下片刻再抹己能輕易抹去頑固油漬,而且絕不傷手, 值得一試!

難尾

今日收到富貴好友K小姐來電...哭訴家居裝修難尾, エ程由8月開始至今..家中才只有完成基本裝修, 所有衣櫃 / 床 / 厠櫃 / 書房...原全沒有。新年過後,設計公司更向我朋友說己無能為カ, 暗事她另找高明,尾數不用再付 (我頂佢個肺...我朋友只欠尾數不到8萬, 你交間爛屋俾人都得)。
朋友已在外租住酒店數月.....直至聖旦期間酒店爆滿而被迫回家地而睡。
我這位富貴朋友裝修前以向我吸取經驗, 但最後她那位外籍老公選用跑馬地某設計公司承造。
惡夢就從這天開始...設計師除給了一份非常滿意的3D圖外, 其餘所有裝修工程都是外判給其他公司代辦。最糟榚是我朋友那套40多萬的廚櫃...居然這處沒駁電,那處冇插蘇位,更離普是設計師量度錯誤而令廚房門框取消...等等問題。(我的天呀！真是慘不忍睹...我的富貴朋友裝修費連廚櫃需130多萬) 我是否應將這無良設計公司開名公告天下？？？