野蠻奶奶(上)

週末前三五婆娘知已happy hour....話題扯到朋友口中的野蠻奶奶, 朋友A小姐結婚後需跟奶奶同住, 惡夢便開始了....說實話, 跟丈夫相處本來己是很高深的學問, 但因兩人經歷相戀相愛才步進教堂...所以當中亦有某程度的包容! 但硬要將新抱奶奶兩位原本豪不相干互不相識的人放在一起, 相處難度就更加高! 包容程度亦需更加高忍耐力亦需更加强!
朋友A小姐跟奶奶從開始己知道不能相處,甚至到達水火不容的地步 (奶奶出身書香之家...早年喪夫跟兒子相依數拾載, 所以較有個性及自我一套), 朋友大家都知行禮簽字奶奶不到;婚宴當晚亦沒有出席. A小姐大方對我們朋友說...奶奶冇聲抗議反對兒子娶這位不漂亮的女子為媳婦(簡單一句即嫌你醜樣!) 。
這夜A小姐又為婆媳事滿肚冤氣向朋友連翻炮發(我班好姊妹仲慌佢唔死紛紛獻計對拆)
最後A小姐見我冷眼旁觀忿氣說:你話吖, 點忍呀？！
我回: 係吖咪忍佢啦! 離婚喇....我有相熟律師喎! 趁末有仔女問題簡單得多, 廢事第日睇報紙又多單血案.....
A小姐: 吓....離婚..我冇諗喎..駛唔駛呀？我先生都幾好架...就係處處要我相就奶奶之嘛!
我回: 離啦! 反正你跟奶奶唔死....遲早你老公都頂唔緊由70樓跳落去先....
A小姐: 唔係嘛....
我再回: 你奶奶寡母帶子幾拾年....你算咩？！你放唔底就放過人地倆母子...