冷面媽媽: 2013

2013年11月22日星期五

冷面爸爸的第 2 & 3次 @ CO2 治療凹凸療程

冷面爸爸己完成第2&3療程.....
第2次依然只是在面上多找幾點作測驗,看是否跟上次一樣可於三兩天內退走Laser後泛起的紅痕,最後一如己往不消2天便退走了!(試做價$600,不需買療程...每次做每次收費)
到月頭第3次療程終於可全面掃射了,但。。。這次可沒有已往說笑了,冷面爸爸向來忍耐能力極高,他輕鬆說全無痛苦...姑娘還叮囑緊記早晚塗藥膏至少兩星期(防敏感及消炎用途),晚上回家己開始泛起紅印...於是塗上我的超級補品Biomaris-super rich 水份Mask 希望令皮膚減低灼熱感覺及火速補充水份。
到早上起來更可怕,全塊面上清楚泛起紅紅腫腫(但己沒有灼熱),驚嚇程度連一向冷面的爸爸也大嚇一跳心情七上八落(如結焦或留下疤痕便不適合繼續CO2療程)....最後要塗上我用餘冇幾NARS有色有防曬Base作遮瑕+口罩才可踏出家門(女仕門要靚就做足心理準備才好)。
冷面爸爸肉厚皮粗才可3-4天稍稍退去紅腫,約7-8天才能完全退走紅印,首幾天面上經Laser過的部份可微微看到皮膚表面有白色小格小格的痕跡,7天之內就不知何時何刻全部甩掉。老實說效果一定有,就正如醫生說...但一定漫長!
我每次均為冷面爸爸拍照記錄下...小凹洞位己收細不少,大洞位亦同樣收細了,冇洞位的皮膚變得緊緻白滑(冷面爸爸形容像重生般嫩滑)。之前嚇人經歷又忘掉了...己預約第4次療程,連男仕都最緊要靚!

**(Sept-2013)第一次**完
**(Oct-2013) 第二次**完
**(Nov-2013) 第三次**完
**(Dec-2013) 己預約第四次

2013年11月21日星期四

第5 & 6次 @ Laser Facial

早前己完成第5&6 次療程, 老實說是有改善的...皮膚光澤了、毛孔細緻了、當然亦白淨了不少....但始終我皮膚本身沒甚大問題,所以沒有像我雀斑朋友般有極大明顯差別! 還需努力! 視作維修保養吧....

** (29-Jun-2013) 第一次療程** 完
** (26-Jul -2013) 第二次療程 ** 完
** (14-Aug-2013) 第三次療程 ** 完
** (17-Sept-2013) 第四次療程 ** 完
** (11-Oct-2013) 第五次療程 **完
** (Nov-2013) 第六次療程 ** 完
** (Dec-2013) 己預約第七次療程 **

2013年11月8日星期五

為自己而買樓。。。

前幾日去做Facial,呢位facial姊姊跟我前後己相識15年...而佢既買樓經歷真係好值得分享一下。。。。話說facial 姐姐(簡稱F小姐吧)2000'因為婚姻觸礁所以另覓居所,當時F小姐全副身家只有8萬大元,就四處去看樓...糊裡糊塗地由租樓到想買樓的轉變只用了一天時間,還跟我分析地區比較(我當時還跟她說...你咪玩啦!得8萬蚊買架車都掹掹哋)。最後任何人都不能把她勸服一意孤行,左籌右借20多萬(3成首期)在筲箕灣買間3百餘尺的唐5樓約80萬. 之後03年又遇上沙士,她的美容小生意又一落千丈,唯有將商場美容院結業留在家中前舖後居繼續經營. 到05年又因地方太細又萌起另覓新居...當時沽出筲箕灣舊居約120萬後,手上現金約40餘萬. 呢位F小姐又一股勇氣有前冇後四出睇樓,今次選址旺角區一單幢式大厦約5百餘呎(需然樓齡比我還要老但實用率足),更央求業主提前交易趕在舊居交樓前遷進新居.(今次新居樓價不到130萬,全副儲蓄又剛好交3成手期及律師厘印費). 新居亦同樣前舖後居繼續經營, 但因旺角地點問題...明顯地美容生意續漸留失, 所以艱不到2年又再以160餘萬沽出. 今次F小姐不知從那裏來的勇氣,決意另覓地舖做回她的小小美容生意,(當時我跟她說好好考濾清楚オ決定吧!她更對我說...不求變冇生意就連生活也成問題).於是又在北角區偏靜位置找得地舖,需說偏靜後街但始終地舖租金較商場貴租...原來呢位傻小姐今次選址地舖為着可慳上住所租金留宿美容院.(我的天!原來人到絕境辦法就會跑出來噢!)安頓好舖頭及住宿後...將賣樓餘下的80多萬又再向買樓夢出發。。。08'年因為今次冇急徹性住宿需要,只希望先出租作儲蓄為日後籌謀而己,天生急性子的F小姐很快便找到旺角塘尾道較新樓齡但只有300餘尺的單幢樓,樓價約2百萬. (我今次問她選址理由, 她簡單又直的說價錢啱有裝修可即時出租)。。。。。到今天!她傻氣地跟我說...樓己供完如舊租出,時值約4百萬(我聽到也傻了眼!)她更酸酸地跟我說: 我冇姿色冇智識冇人冇物冇親冇戚,只有靠自己終老...就因這個理由我才有這鼓作氣。

2013年10月24日星期四

己成功由Yahoo搬家到blogspot啦!

其實月頭己經成功搬家,但因為太忙所以遲遲末有update .... 總G過程幾次想過放棄及後又因我舊文內的"大裝修" " 大陸造櫃" 幫過不少人... 所以又重新嘗試搬家! 最後得到網友"皇魯吉.孖.媽"幫忙....成功搬家! "吉.孖.媽"的搬家過程簡單易明,圖文並茂....連我電腦白痴也成功噢! 想要幫忙請到這http://gutgutmama.blogspot.hk/2013/09/blog-post_9.html

2013年9月19日星期四

等4次 @ Laser Facial

早前己完成第4次療程, 皮膚光澤了、毛孔細緻了....但依然未有太明顯差別! 還需努力吧!.... ** (29-Jun-2013) 第一次療程** 完 ** (26-Jul -2013) 第二次療程 ** 完 ** (14-Aug-2013) 第三次療程 ** 完 ** (17-Sept-2013) 第四次療程 ** 完 ** 己預約(11-Oct-2013) 第五次療程 + CO2 療程

2013年9月13日星期五

冷面爸爸的第一次 @ CO2

冷面爸爸己第一次見醫生咨詢面上凹凸洞問題, 因為冷面爸爸屬於油性皮膚..年青時又不懂護理, 他跟醫生說醫療後可否有所改善, 醫生說完全康復皮光肉滑是不可能的, 但有所改善是絕對可以的, 但.....要非常慢長!
冷面爸爸想也不想便說要"試試"。醫生說某些人會療程後泛起紅痕,但三兩天便退走回服正常. 但有些人反應嚴重會久久不退便不適合繼續療程... 所以當曰醫生先在冷面爸爸面上小試幾部份看看反應..才决定是否適合! 可幸....冷面爸爸三兩天紅印己退去! 下次可全面掃射!

心情忐忑不安

己經備份一日一夜....還是沒有消息,心中頗不安!

2013年9月11日星期三

搬家後第一篇網誌

各位你好! 我係冷面媽媽. 一向都是在 yahoo 遊走了數年 yahoo blog 決定完成歷史任務(好不負責任噢) 可憐我冷面媽媽要來到這 blogspot 從新適應及學習! 但本身我實在太忙...希望有時間學習及堅持下去吧....!

2013年9月6日星期五

我返黎啦!

剛到港喔...俾時間小妹回覆各位查詢!

2013年8月20日星期二

又要出門。。。。

生平最怕坐長途機(長途機症侯群) 偏偏今年特別多.....

2013年8月18日星期日

第三次 @ Laser Facial

早前己完成第三次療程, 皮膚扯算光澤了....但依然未有太明顯差別! 努力吧!....

** (29-Jun-2013) 第一次療程 ** 完** (26-Jul -2013) 第二次療程 ** 完
** (14-Aug-2013)第三次療程 ** 完** 己預約(17-Sept-2013) 第四次療程
** 己預約(11-Oct-2013) CO2 療程

2013年8月8日星期四

第ニ次@脫毛療程

昨日己完成等2次腋下脫毛療程....老實話我就非常滿意! (記得上次療程後美容師代預約2個月後才第2次療程...更叮囑其間盡量不要用過往方法清除毛髮! 當時我心諗2個月唔清理容嘜易變海膽吖@@"係咪玩整古先! 但結果...我2個月都冇用任何方法去清除, 腋下只現出可容忍的幾條幼幼毛毛而己! 只是療程前必需清理才自行清除)。原來激光脫毛效果真的因人而異, 我好友比較像毛孩...所以完成第五次療程也沒有我效果理想。(只怪她不能忍耐毛髮重生便自行清理吧! )

(06-Jun-2013) 第一次腋下脫毛療程(完)
(07-Aug-2013) 第二次腋下脫毛療程(完)
(10-Oct-2013) 己預約第三次療程

2013年8月5日星期一

大陸訂造傢俬

兩日前約會大陸造櫃公司的劉師傅到冷面爸爸公司...為廁所大變身(劉生是2年前為我家居設計及造櫃的)! 希望真的可以大變身噢!

另近日有網友向我查詢有關劉生大陸公司資料同時大吐苦水...網友說他曾在無人介紹下到大陸其他公司造櫃, 整個過程由設計至出貨錯漏百出, 先是設計圖多翻出錯(網友己不厭其煩提醒...最後當然依舊出錯喇!) 送貨日期亦同樣放幾次飛機 (每次電話打破亦無人接聽...到找到接頭人更豪無歉意地說代你跟進...最後無耐又無耐地浪費他多天假期在白等。) 最好笑...送貨日要網友到停車場交泊車費 (我真係覺得好低能...) 好戲原來在後頭...裝嵌師傅折開包裝紙皮時網友說己一肚火(....污糟邋遢,心諗算吧我忍你!) 見師傅越裝越不對勁...全套櫃尺寸錯漏出 (呢樹高低不一,嗰樹櫃門又過大...櫃筒開關不暢順之餘又離隙) 最後請他帶同這堆垃圾一同離開？！

原來我多麼幸運喔!

2013年7月27日星期六

第二次 @ Laser Facial

昨天是我第二次療程, 依然未有顯注改善! 但我今日又要見醫生想除去眼底下忍忍若若看見的粒粒(我一直以為是脂肪粒), 醫生話這叫"汗管瘤"(or "汗管疣"我末有聽清楚) 要用二氧化碳(CO2)激光オ可去除, 但激光後有傷口會結焦...

於是冇問價錢就回覆醫生說: OK做啦! 係咪家陣一拼連Laser Facial一齊做呀？
醫生話: 梗係唔係啦! 出去同姑娘再預約先喇.....
姑娘答: 醫生最快10月中先有期喎, 你想幾時呀？
我 : 10月中...唔係嘛! (原來要醫生親自操刀...你巴閉等就等啦!)
你地咪己為我大把錢任佢斬, 茶實我己向好友樹收曬風...話說好友上次去斑療程亦同樣用CO2激光除去大量"扁平疣" ( 療程多謝又$5000大元, 好友一直以為那些"扁平疣"同樣是斑類,但經醫生診斷後確定為"扁平疣"。扁平疣成因由過濾性病毒引起, 而過濾性病毒多活躍於潮濕地方, 如公眾泳池、浴室、更衣室等。只會在皮膚或黏膜受到感染，雖不會對身體造成嚴重影響，但數目可由一顆傳染至過百顆或以上。)

但好友告知"扁平疣"熟醫療性質可claim保險...仲係全數$5000索回添! 但我的"汗管瘤"性質末知是否一樣....反正我想搞佢好耐(鬼死咁外眼)。

** (29-Jun-2013)第一次療程 ** 完** (26-Jul -2013)第二次療程 ** 完** 己預約(14-Aug-2013) 第三次療程
** 己預約(11-Oct-2013) CO2 療程

2013年7月3日星期三

Laser Facial

數月前跟位不常見的好友見面, 聊天對話時總覺朋友面容有回春感覺, 好友因此極度興奮地對我詳加說明她的去斑療程。好友除面上雀斑完全清走外(原本係非常外眼密密碼碼滿佈面上), 同時收細毛孔、膚色均勻有光澤、減淡細紋及皮膚緊緻...這一一都是去斑以外的意外收獲(好友越講越興奮好似美容師向我硬銷療程一樣)。老實講,我又冇斑兼皮光玉滑都被好友打動(無人唔鐘意靚架嘛), 於是3個月前幫我預約時間咨詢...無錯!係3個月...咩醫生要預約3個月咁把炮吖!
上星期終於可以見醫生喇! ( 你要自己set alarm向電話提示,診所冇提示預約,反正你唔到大把人在排隊等候) 預約3點,4點才可見醫生...醫生年約50貌似大叔模樣,我心諗你得唔得架(以下跟醫生對話)...醫生 : 你有咩事呀？
我 : 我兩面脥上有輕微黑斑噢！
醫生 : 睇過...冇吖! 你咁侯生眼力就咁差囉？！
我 : 唔係喎..我查咗粉咋, 呢樹吖！
醫生 : 用濕紙抹去俾我睇真...吓!真係冇喎...免強可以話有D暗影可能係荷爾蒙斑, 但荷爾蒙斑唔可以射走架, 你射佢仲會誘發佢出黎可能更加深更加嚴重架....
我 : (你唔係要我等3個月就咁想打發我走吖嘛) 唔係喎醫生...咁我面上有D舊印好難退架,毛孔又粗大面色又唔均勻又唔夠白淨喎, 你睇..眉宇間D皺紋幾深( 好似反客為主我sale返佢咁劑...哈哈)醫生 : 你有冇咁多野吖, 啫想冇野搞揾野黎搞啦! 係咪....(醫生當時笑容好似己知我心意)
我 : 係囉! 仲有吖....我菠蘿飽面做射頻會firm d 吖嘛....(我好樂力係咁推銷)醫生 : 唔洗做射頻咁誇, 好啦好啦做個全面性Laser Facial啦..咩去印收毛孔均勻膚色樣樣齊, 試咗先...大初第4-5次才有顯注效果架喇, 每個月做一次啦, 遲吓先試射頻收緊。
我 : 吓, 咩Laser Facial吖？係咪好輕鯨架？一個月先一次吖....做密d咪快d喔！？
醫生 : 咩輕鯨吖...係d美容院將呢d含創傷性既醫學簡單化啫,做得唔好可以好嚴重架! 唔洗咁密架!冇必要...一個月一次睇效果先吖...聽話啦!

接着落妝護士給我搽上一層痳醉啫喱, 稍等15分鐘面上有些微痳痺感覺便可Laser 療程, 由姑娘操刀大約15-20分鐘療程(你都咪話唔痛, 塗上痳醉啫喱還有針刺感覺@@"), 完成後再塗上收復cream有幫降紅及保顯。姑娘再三叮囑療程前後需注重防曬..防曬..又防曬(療程前後不可做果酸換膚、不可磨沙去死皮、不可做微針、不可用維C護膚產品)。係呢...由頭到尾都冇問幾錢喎？多謝$600元大正, 仲冇需預購course....GOOD!
** (29-Jun-2013)第一次療程 **
** 己預約(26-Jul-2013) 第二次療程

2013年6月28日星期五

港女

而家d港女想要揾咩男人我唔知....我當年就只想揾個好男人 (冇附帶任何條件, 如..外貌、身高、身家、學歷...等等。)

脫毛療程

月初經朋友介紹到銅鑼灣金朝陽某脫毛專門店以優惠價做兩腋脫毛療程,(其實我本身腋毛不多...但因經常運動, 偶一忘記清理就大失儀態)茶實早早就想脫腋毛...但又怕經不起美容小姐苦苦痴纏由脫腋毛變為脫我荷包,所以遲遲末有行動。
撞正今次好友剛好療程中...又說人家沒有太大硬銷其他產品就即管預約看過夠境。
初次諮詢會談簡短快捷...費用仲平.平.平.平到你唔信吖 ^_^ , 仲要係永久喎! 直至你滿意為止喎! 仲等咩吖....
言歸正轉...第1次療程後美容師幫我預約2個月後, 仲要強調其間盡量不要用過往方法清理! OMG...2個月唔清理容嘜易變海膽吖@@"係咪玩整古先! 美容師再說...在不能容忍下才清理1次啦 ! 結果...今日剛好療程後1個月喇, 腋下只現出微微的黑點點而己....毛都冇條(之間從沒自行清理), 真後侮冇及早了解盡早跟腋毛講拜拜囉!

2013年6月8日星期六

世上最好食既鹹肉糭 (下)

引用自 [主題精選POST徵集第十七回] Yahoo!BLOG「今期流行」 [徵稿直至6月30日午夜12時]

【續】今回細說昨天準備包糉的材料及份量

材料 : 約可做35隻
- 糯米 (3斤) 不用預早準備
- 去皮綠豆 (1斤) 預早一夜浸過水同時放過雪櫃 (否則容易變壞)
- 糭葉 (半斤) 洗淨後再浸水過面最少1日1晚
- 水草 (1扎) 跟葉一同處理
- 五花腩 (12兩) 洗淨後用鹽抹透均勻放雪櫃隔過夜 - 鹹旦黃 (12隻) 份量隨個人喜好
- 蝦米 (2兩) 洗淨
- 瑤柱 (3兩) 洗淨

步驟 :
(1)五花腩做前洗去鹽份放滾水略煮8成熟,放涼後彻片約10mm厚, 小油下鑊爆香略加淡豉油快炒,再加約二茶匙五香粉(關火)快兜勻

(2) 不用洗鑊放綠豆爆香略加淡豉油,五香粉及鹽各小許

(3) 不用洗鑊放蝦米爆香略加淡豉油及五香粉各小許
(4) 包糭前取糯米加1湯匙油及3茶匙鹽撈勻(烚糭後糯米沾上油份可避免黏着糭葉)

(5) 瑤柱瀝乾水便可

(6) 用3塊糭葉+2條水草包1隻糭 (這是老媽慣常手法, 別的她做不了) : -
● 取2塊糭葉, 糭葉相疊另一片約距寸多(貼士: 糭葉底有明顯中間葉脈凸出向下, 即包好後可見葉脈)

● 將葉約對覆在中間位屈,同時尾部向內摺形成尖位( 形同水機紙杯)

● 先加1湯匙糯米, 接着五花腩, 鹹旦, 瑤柱, 蝦米...再加1匙綠豆, 最後加多一匙糯米蓋著所有涵料

● 接着加多一片糭葉, 為加高背部葉身

● 加高葉身後, 先將左面葉向內摺下(手指公位一面用手壓實材料) 再將右面糭葉摺下

● 略加整理再將糭葉向下摺

● 取一條鹹水草靠上方繞幾圈至中間位置, 並留下約10" 水草尾斷備用

● 轉將還末繞上鹹水草的一端向上

● 再取另一條鹹水草跟前一樣繞圈至中間位

● 最後兩條鹹水草在中間位置相遇, 再摟起繑一圈打十字斜角再繞一圈
● 再在同一斜位多繞一圈後打結

● 完成

● 往年老媽用大煲要煮6個鐘, 今年改用"德國寶" 分段煮1個鐘焗1批就搞掂...簡單快捷!

老媽多年包糭經驗, 做出的糭無論重量及外形都非常一致 ( 好似倒模一樣噢)

看看....糯米撈上生油後便不會黏在糭葉!

剛才可怕的五花腩肥膏己溶化在糯米中....非常美味喔!

2013年6月6日星期四

世上最好食既鹹肉糭 (上)

引用自 [主題精選POST徵集第十七回] Yahoo!BLOG「今期流行」 [徵稿直至6月30日午夜12時]

我家從不吃購自街外的糭....因我家大廚(老媽) 自家制"鹹肉糭"所向無敵, 每年差不多時侯零卸多朋友借居來電慰問,實程.....(明啦!)。今年特意為老媽全程直擊報道制作過程, 下年你地要靠自己啦 ^_^

先來滙報一下制作前的準備エ夫及消費....- 糯米3斤 (約$24)
- 去皮綠豆1斤 (約$12)
- 糭葉半斤+鹹水葉1扎 (約$20)
- 五花腩12兩 (約$36)
- 鹹旦黃12粒 ($28)
- 靚蝦米2兩 (約$15)
- 靚瑤柱碎3兩 (約$130)
- 五香粉1包 ($5)
** (唔計瑤柱在內) 其他材料合共$140/可做35隻, 你識計數喇.....即每隻成本@$4 (我問你學唔學做!) **糭葉/水草: 洗淨後再至少浸一日一夜才可徹底清潔,我家至少浸3天!

五花腩:預早一日洗淨後用鹽抹透均勻再放進雪櫃過夜備用

鹹旦黃: 直接買己處理的包裝保証靚貨

瑤柱/蝦米: 預早一夜放進雪櫃浸透

糯米: 不用預早處理

去衣綠豆: 預早一夜浸過水同時放過雪櫃 (否則容易變壞)

待續....

2013年6月5日星期三

可能係最高年費既信用咭

早前閒來冇事...就處理一下多年沒跟進的信用咭積分( @@" 咩我洗咗咁多錢架), 草草換下"年根拔"的cash coupon.
今天收到coupon簡直嚇一跳, 每張面值@$600元的coupon居然用膠咭制作而且還個別獨立精美封套！？這到底是"專貴既信用咭公司" 收取數萬元年費所至？！還是"年根拔"為特顯自我專貴而制造呢？？

今日更同時收到"專貴信用咭公司"通知....年費將會約加一倍收費! (你冇野吓嘛) 隨即執起電話...請幫我取消吧!

2013年6月3日星期一

乳豬@ 季季紅

原價@$620季季紅乳豬卷...耐不時做promotion優惠買3送1(折後每隻約$460)只需一天電話預訂非常方便(温馨提示:建意提取後2小時內食用), 但因時間關係我提前3小時取貨...但食用時外皮依然鬆脆, 但乳豬內包著的鹹飯「蝦禾米」認真敗北...冇除冇味冇涵料,只有丁點芋頭粒(我真係唔知佢想點@@")家人說我做的鹹飯至少高它5班....

門面做足功夫....